काठमाडौं- भारतको केन्द्र सरकारले जम्मु कश्मीरका लागि १ हजार करोड भारतीय रुपैयाँभन्दा धेरै रेल बजेट छुट्याएको छ । युनियन रेलमन्त्री आश्विनी वैष्णवले जम्मु कश्मीरका लागि १ हजार ८६ करोड भारु रेल बजेट छुट्याइएको घोषणा गरेका हुन् ।

उनले यस युनियन टेरिटोरीका दुर्गम क्षेत्रमा रेल सञ्जाल विस्तार र सुदृढीकरणका लागि थप पहल भइरहेको पनि जानकारी दिए । ‘युनियन रेल मन्त्रालयले जम्मु कश्मीरका लागि १ हजार ८६ करोड, हिमाञच प्रदेशका लागि २ हजार ९ सय ११ करोड र पञ्जाबका लागि ५ हजार ६ सय ७३ करोड रुपैयाँ रेल बजेट छुट्याएको छ ।’ वैष्णवले भने ।

उनले जम्मु कश्मीरमा यातायत सुविधा सुनिश्चित गर्न वन्दे भारत रेलले महत्वपूर्ण भूमिका निर्वाह गरेको पनि जनाए । खासगरी हिँउद महिनाामा सडकमार्ग अवरुद्ध हुने भएकाले रेलमार्गको महत्व अझै धेरै रहेको उनको भनाइ छ ।

उनले वन्दे भारत रेलमा स्थानीय परिकार पनि चाख्न पाइने भएकाले यसबाट क्षेत्रीय पहिचानको संवद्र्धनमा पनि सहयोग पुग्ने बताए । उनले बरमुल्लादेखि उरीसम्म रेल पूर्वाधारको तयारी भइरहेको र यसको स्वीकृति बाँकी रहेको पनि उल्लेख गरे ।