काठमाडौं- जनवरी महिनामा भारतको औद्योगिक उत्पादन गतिविधि बढेको पाइएको छ । जनवरीमा भारतको एचएसबीसी म्यानुफ्याक्चरिङ पर्चेजिङ म्यानेजर्स इन्डेक्स (पीएमआई) सूचक ५५.४ पुगेको छ ।

एसएण्डपी ग्लोबलले यस्तो सूचक निकाल्दै आएको छ । गत डिसेम्बर महिनामा भने यो सूचक ५५.० रहेको थियो, जुन दुई वर्षयताकै न्यून हो ।

जनवरी महिनामा पीएमआई सूचक ५६.८ मा कायम रहने प्रारम्भीक अपेक्षा थियो । यद्यपि अपेक्षाअनुसार सूचकमा भने कमी आएको देखिएको छ ।

सन् २०२१ यता भारतको पीएमआई सूचक ५० भन्दा माथि रहँदै आएको छ । यस सूचक ५० भन्दा माथि भए उत्पादनमा वृद्धि भएको र त्यसभन्दा तल भए संकुचन आएको बुझिन्छ ।

आन्तरिक मागका कारण सूचक बलियो देखिएको समाचार संस्था रोयटर्सले जनाएको छ । यद्यपि निर्यातजन्य मागमा भने अपेक्षाअनुसार वृद्धि हुन नसकेको जनाइएको छ ।