बुटवल- श्रीमतीलाई हर्क साम्पाङ नेतृत्वको श्रम संस्कृति पार्टीबाट समानुपातिक उम्मेदवार बनाएका रुपन्देही क्षेत्र नम्बर ३ बाट प्रग्रतिशील लोकतान्त्रिक पार्टीका उम्मेदवार निष्कासित गरेका छन् ।

प्रगतिशील लोकतान्त्रिक पार्टी (प्रलोपा)बाट रुपन्देही क्षेत्र नम्बर ३ बाट प्रतिनिधिसभा सदस्य उम्मेदवार गोविन्द काराखेतीलाई पार्टीबाटै निष्कासित गरेको छ।

प्रलोपा रुपन्देही इन्चार्ज पंकज राईले शुक्रबार यसबारे जानकारी दिएका हुन् । काराखेतीले पार्टीको नीति, सिद्धान्त र विधानको गम्भीर उल्लंघन गरेको पुष्टि भएपछि निष्कासन गरिएको उनले उल्लेख गरेका छन्।

पार्टी हितविपरीतका व्यक्तिवादी गतिविधिमा संलग्न भएको आरोप उनीमाथि लगाएर बिदा गरिएको हो ।

प्रलोपबाट उम्मेदवार बनेपछि नेताहरूसँग रकम मागेको र श्रीमती जयन्ता काराखेतीलाई श्रम संस्कृति पार्टीबाट समानुपातिकमा राखेको पाइएकाले निष्कासन गरिएको राईलले बताए।

काराखेतीलाई निष्कासन गरेपछि रुपन्देही–३ मा पार्टीको उम्मेदवार खाली भएको छ । अब त्यहाँ कुनै दलका उम्मेदवारलाई समर्थनको निर्णय प्रलोपाले लिने भएको छ।