काठमाडौं – दिनेश राउत निर्देशित फिल्म ‘कुमारी’मा समावेश गीत ‘डोको बुन्ने’ले युट्युबमा एक करोड भ्युज पाएको छ ।
पुस १६ गते सार्वजनिक भएको यस गीतले फिल्म प्रदर्शनको अघिल्लो दिन बिहीबार एक करोड भ्युज पूरा गरेको हो । शुक्रबार यो फिल्म प्रदर्शनमा आउँदैछ ।
यो गीतको गायक केहरसिंह लिम्बू हुन् । भिडियोमा फिल्मका नायक अबिषेक खड्का र नायिका आकृति राज भण्डारी फिचर्ड छन् । शब्द सागर लामिछाने मगर र सुमान तामाङ मिलेर लेखेका हुन् ।
लभस्टोरी जनरामा बनेको यस फिल्मबाटै अबिषेक र आकृतिले डेब्यू गरेका हुन् ।
विनिश इन्टरटेन्मेन्टको ब्यानरमा बनेको यस फिल्मको निर्माता महेन्द्र अधिकारीले निर्माण गरेका हुन्। लेखक बिकास सुबेदी हुन् ।
प्रतिक्रिया