काठमाडौँ- विगतमा झै यसवर्षको भाइटीकामा पनि दिदीबहिनी तथा दाजुभाइ नहुनेहरुले काठमाडौंको रानीपोखरी पुगेर टीका लगाएका छन् ।

दिदीबहिनी तथा दाजुभाइ नहुनेहरुले आजको दिन रानीपोखरी पुगेर भाइटीका लगाउने प्रचलन रहँदै आएका छ । यद्यपि आजको दिन रानीपोखरीको बीचमा रहेको बालगोपालेश्वर मन्दिर खुलाइने प्रचलन भए पनि चार वर्ष अघिको भूकम्पले मन्दिर क्षतिग्रस्त भएकाले मन्दिर बाहिर तस्बिर राखेर पूजा एवं दर्शन गर्ने व्यवस्था मिलाइएको छ ।

राष्ट्रिय पुनर्निर्माण प्राधिकरणले मन्दिरको पश्चिम ढोका बाहिर मूर्ति राखेर पूजाआजा गर्ने र भाइटीका लगाउने व्यवस्था मिलाएको हो ।

बिहान ७ बजेबाट सुरु गरिएको भाइटीका बेलुका साढे सात बजेसम्म लगाउन मिल्ने व्यवस्था गरिएको छ ।

मंगलबार भाइटीकाको दिन रानीपोखरीमा देखिएका केही दृश्य :

तस्वीर : अमृतराज काफ्ले