काठमाडौँ- अन्तर्राष्ट्रिय क्रिकेट परिषद् (आईसीसी) को एसिया क्षेत्रीय सम्मेलन काठमाडौँमा हुने भएको छ।

आगामी वैशाखमा आईसीसीको एसिया क्षेत्रीय सम्मलन आयोजना गर्न लागेको नेपाल क्रिकेट संघका प्रवक्ता छुम्बी लामाले बताए। क्षेत्रीय सम्मेलन आगामी वैशाख ३ र ४ (अप्रिल १६ र १७) मा कामठाडौँमा हुने उनले लामाले जनाएका छन्।

सम्मेलनमा आईसीसीका एसियाका सदस्य देशका प्रमुख सरोकारवाला, प्रशासक र प्रतिनिधि सहभागी हुनेछन्। सम्मेलनमा आगामी प्राथमिकता, क्रिकेटको विकासका लागि गर्न सकिने पहल, सुशासन र एसियाली क्षेत्रमा क्रिकेटको भविष्यबारे छलफल हुने जनाइएको छ।

काठमाडौँमा आईसीसीको एसिया क्षेत्रीय सम्मेलन आयोजना हुनु क्रिकेट विकासमा नेपालको बढ्दो भूमिका र योगदानलाई झल्काउने संघका प्रवक्ता लामाको भनाइ छ।