काठमाडौं– राष्ट्रिय प्रजातन्त्र पार्टीका अध्यक्ष कमल थापा टेनिस खेलिरहेको समयमा उनको पिँडौला र तिघ्राको मांसपेशीमा एक्कासी गम्भीर समस्या देखिएको छ ।

चीनको सेन्जेन शहरमा भएको आइटिएफ सेन्जेन अन्तराष्ट्रिय सिनियर सर्किटको दोस्रो खेलमा अध्यक्ष थापाको मांशपेसीमा समस्या देखिएको हो ।

खेलमा अग्रता लिइरहेकै भए पनि स्वास्थ्यमा समस्या देखिएपछि उनले बीचमै खेल छाडेका थिए ।

पिँडौलाबाट शुरु भएको समस्या तिघ्रा हुँदै ढाड र अन्य ठाउँमा पनि फैलिन थालेपछि उनले खेल छाडेका थिए । पहिलो दुई सेट २ घण्टा ३५ मिनेट लामो समयसम्म चलेको थियो ।

उनले भारतका अभिजित भारद्वाजलाई पहिलो सेटमा जितेपछि दोस्रो सेटमा ३–० ले जितिरहेको अवस्थामा मांसपेशीमा समस्या देखिएको थियो ।

सो सेट ६–३ मा गुमाएका थापाले रिटायर्ड हर्ट भएर तेस्रो सेट खेल्न सक्ने अवस्था नभएपछि खेल बीचमै छाडेका थिए । अध्यक्ष थापा टेनिसका राम्रा खेलाडी हुन्