काठमाडौं – माघ २३ गते प्रदर्शन मिति तोकिएको दिनेश राउत निर्देशित फिल्म ‘कुमारी’ प्रचारका लागि नेपालगञ्जमा राखिएको कन्सर्ट सम्पन्न भएको छ ।

‘कुमारी लाइभ म्युजिकल कन्सर्ट विथ केहर एन्ड द लुङा’ नाम दिएर उक्त कार्यक्रम राखिएको थियो ।

होटेल स्टार लाइटको प्राङ्गणमा बिहीबार आयोजित कन्सर्टमा गायक केहरसिंह लिम्बूको ब्यान्ड ‘केहर एन्ड द लुङा’ले सांगीतिक प्रस्तुती दिएका थिए । कन्सर्टमा ‘कुमारी’का नायक अविषेक खड्का र आकृति राजभण्डारी पनि सहभागी थिए । उनीहरुले नृत्य प्रस्तुत गरेका थिए ।

‘कुमारी’मा समावेश गीतहरु ‘डोको बुन्ने निगाली चोयाले’, ‘कता छौ मेरो फूल’ र ‘तिमी बिना’ केहरको स्वर रहेको छ ।

नेपालगञ्जबाट सुरु भएको यो सांगीतिक टुर पोखरा, चितवन, काठमाडौं र झापामा पनि पुग्नेछ ।

तस्बिरहरु :