काठमाडौं- अब भारतको केरला राज्यस्थित कोजिकोडे विमानस्थलबाट साउदी अरबको राजधानी रियादमा प्रत्यक्ष हवाइ उडान सञ्चालनमा आउने भएको छ । साउदी अरबको राष्ट्रिय ध्वजावाहक साउदीयाले यस्तो उडान गर्न लागेको हो ।
भारतमा साउदीयाको यो सातौँ गन्तव्य हो । आगामी फेब्रुअरी १ देखि साउदीयाले हरेक साता कोजिकोडे अन्तर्राष्ट्रिय विमानस्थलबाट रियादमा रहेको किङ खालिद अन्तर्राष्ट्रिय विमानस्थलमा आठ वटा उडान भर्ने जनाइएको छ ।
यस हवाइ सेवा प्रदायकले यसअघि भारतका बेङ्गलुरु, मुम्बई, कोची, दिल्ली, हैदरावाद, लखनउबाट पनि उडान भर्दै आएको छ । नयाँ उडानबाट बिदा मनाउने पर्यटक, व्यापारिक यात्रु र उमराह र हजजस्ता तीर्थ जाने यात्रुलाई लाभ मिल्ने अपेक्षा गरिएको छ ।
प्रतिक्रिया