काठमाडौं- प्रतिनिधिहरूले तीन दिनदेखि जारी नेपाली कांग्रेसको विशेष महाधिवेशनबाट नयाँ नेतृत्व चयनको दबाब बढाउँदा थालेपछि भृकुटीमण्डपमा सुरक्षा सतर्कता उच्च बनाइएको छ।

महाधिवेशनस्थलमा प्रतिनिधिहरूले निर्वाचन प्रक्रिया यथाशीघ्र अघि बढाउन दबाब दिँदै नाराबाजी गरेपछि सुरक्षा सतर्कता बढाइएको हो ।

अहिले महाधिवेशनस्थलको मूलगेटबाटै सुरक्षाकर्मीहरूले कडा निगरानी गरिरहेका छन् । उता संस्थापन पक्षले विशेष महाधिवेशनविरुद्ध सानेपामा युवाहरू उतारेर प्रदर्शन गरेको छ।

कांग्रेसमा सीताराम केसी नेतृत्वको निर्वाचन समितिले निर्वाचन कार्यतालिका पनि तय गरिसकेको छ । संस्थापनसँगको वार्ता नमिलेसँगै महाधिवेशन प्रतिनिधिहरूले अब निर्वाचनमा गएर नयाँ नेतृत्व छान्न दबाब दिइरहेका बेला भृकुटीमण्डमा सुरक्षा तैनाथी पनि उच्च बनाइएको हो ।