काठमाडौं– नेपाली कांग्रेसको दोस्रो विशेष महाधिवेशन अन्तर्गत विभिन्न जिल्लाहरुबाट आएका महाधिवेशन प्रतिनिधिहरूको नाम दर्ता प्रक्रिया जारी रहेको छ ।
कार्यक्रमस्थल काठमाडौंको भृकुटीमण्डपस्थित मूल गेट सँगैका स्टलहरूबाट नामावली दर्ता सुरु भएको छ ।
विशेष महाधिवेशन अन्तर्गत बिहान ११ बजे काठमाडौंको सुन्धारा, रत्नपार्क, शङ्करदेव क्याम्पस, कमलपोखरी, कुपण्डोललगायत क्षेत्रमा नेता, कार्यकर्ता भेला भई र्यालीका साथ भृकुटीमण्डप प्रस्थान गर्ने छन् । यस्तै, दिउँसो १ बजे विशेष महाधिवेशन उद्घाटन हुनेछ ।
विशेष महाधिवेशनको सभापतित्व कांग्रेस काठमाडौंका सभापति कृष्ण सबुज बानियाँले गर्ने जनाइएको छ । बन्दसत्र भोलि (सोमबार) बिहानदेखि भृकुटीमण्डपको सभाहलमा हुनेछ ।
तस्बिर : नेपाल फोटो लाइब्रेरी
प्रतिक्रिया