काठमाडौं– प्रधानमन्त्री केपी शर्मा ओली र भारतका उपराष्ट्रपति भेन्कैया नायडुबीच भेटवार्ता भएको छ ।
असंलग्न राष्ट्रहरुको १८ औँ शिखर सम्मेलनका क्रममा अजरबैजानको बाँकुमा उनीहरुबीच भेटवार्ता भएको हो । भेटवार्ताका क्रममा दुईपक्षीय हितका विषयमा कुराकानी भएको जनाइएको छ ।
आजै प्रधानमन्त्री असंलग्न अभियान (नाम)का राष्ट्र तथा सरकार प्रमुखहरुको अठारौँ शिखर सम्मेलनको उद्घाटनपछिको पूर्णसत्रको अध्यक्षता ग्रहण गरेका थिए ।
नाम सम्मेलनको प्रमुख विषय ‘समसामयिक विश्वका चुनौतीहरूलाई एकीकृत तथा पर्याप्त मात्रामा सम्बोधन गरिएको सुनिश्चित गर्नका लागि बाङडुङ सिद्धान्तको अनुपालन’ रहेको छ ।
प्रतिक्रिया