काठमाडौं- नेपाल सरकारले बोलिभेरियन गणराज्य भेनेजुएलामा अमेरिकी आक्रमणणपछि विकसित घटनाक्रमबारे औपचारिक धारणा सार्वजनिक गरेको छ ।

बुधबार परराष्ट्र मन्त्रालयले औपचारिक धारणा सार्वजनिक गर्दै भेनेजुएलामा भएको घटनाक्रमलाई नजिकबाट नियालिरहेको जनाएको हो ।

नेपाल सरकारले सम्बन्धित सबै पक्षहरूलाई अधिकतम् संयमता अपनाउन र तनाव बढाउने कार्यहरूबाट बच्न आह्वान गरेको छ ।

‘नेपालले संयुक्त राष्ट्र संघको बडापत्रमा उल्लेखित सार्वभौमसत्ता, क्षेत्रीय अखण्डता र राज्यहरूको राजनीतिक स्वतन्त्रताको सिद्धान्तहरूको पूर्ण सम्मान गर्ने महत्त्वलाई जोड दिन्छ’, परराष्ट्रले भनेको छ।

नेपालले संवाद, कूटनीति र पारस्परिक समझदारी मार्फत विवादहरू शान्तिपूर्ण रूपमा समाधान गरिनुपर्छ भन्ने आफ्नो धारणा पनि सूचनामा उल्लेख गरेको छ ।

अवैध उत्खननविरुद्ध बोल्दा मारिएका दिलीप, दिदी भन्छिन्- छ वर्ष भयो न्याय पाएनौँ