काठमाडौं – एसियाली फुटबल महासंघ (एएफसी) ले नेपाली राष्ट्रिय फुटसल टोलीका प्रशिक्षक विष्ण गुरुङमाथि एक खेलमा प्रतिवन्धसहित १ हजार अमेरिकी डलर जरिवाना गरेको छ ।

एएफसी फुटसल च्याम्पियनसिपअन्तर्गत ताजिकिस्तान विरुद्धको खेलमा गुरुङले अनुशासन विपरित गतिविधी गरेको भन्दै रेफ्रिले कारवाही गरेका थिए । जसमा उनलाई अनुशासन कमिटीले एक खेलको प्रतिबन्धसहित १ हजार जरिवाना लगाइएको हो ।

उनको यो कारवाही जारी एएफसी फुटसल च्याम्पियनसिपमा लागू हुनेछ । २४ अक्टोबरमा भएको खेलमा गुरुङले गरेको व्यवहारका कारण कारवाही गरिएको हो ।

यसका साथै उनलाई एक हजार अमेरीकी डलर पनि जरिवाना लगाएको छ । एएफसीको इथिक्स कमिटीले आर्टिकल ४८.२ अन्तरगत रहेर जरिवाना लगाएको हो । गुरुङलाई लगाएको जरिवाना ३० दिनभित्र चुक्ता गरिसक्नसमेत निर्देशन दिएको छ ।