काठमाडौं – नेपाल क्रिकेट संघ (क्यान)ले टी–२० विश्वकपका लागि नेपाली टिम घोषणा गरेको छ । रोहित पौडेलको कप्तानीमा घोषणा भएको टिममा पावर हिटर मानिएका कुशल मल्ला अटाउन सकेनन् ।

त्यसैगरी एनपीएलका दुवै सिजन राम्रो प्रदर्शन गरेका विनोद भण्डारी र आहब आलमलेसमेत ठाउँ पाएनन् । त्यसो त यसअघि टिममा पुनरागमन गरेका मोहम्मद आदिल आलमसमेत आउट भए ।
तर सामाजिक सञ्जालमा भने विनोद भण्डारी र कुशल मल्ल टिममा नपर्नु गलत भएको भन्दै क्यानको आलोचना भएको छ ।

एनपिएलमा राम्रो प्रदर्शन गरेका अविनाश बोहरालेसमेत स्थान पाएनन् । क्यानले क्लोज क्याम्पमा सबै खेलाडीलाई बोलाए पनि टिम घोषणा गर्दा यी खेलाडी नपरेका हुन् ।

यसअघि टिममा परेर पनि विश्वकपको टिम घोषणमा प्रतिश जिसी, भिम सार्की, रुपेश सिङ र इशान पाण्डेसमेत परेनन् ।