एजेन्सी– अतिरिक्त समयमा मैदान छिरेका निकोलस पेपेको दुई गोलको मद्दतमा आर्सनल युरोपा लिगमा हारबाट जोगिएको छ ।

गएराति इमिरेट्स स्टेडियममा भएको खेलमा इंग्लिस क्लब आर्सनलले पोर्चुगिज क्लब भिक्टोरिया स्पोर्टस्लाई ३–२ गोल अन्तरले पराजित गरेको थियो ।

खेलमा सुरुवाती दुई गोल भने भिक्टोरियाले गरेको थियो । खेलको आठौ मिनेटमा इडवार्डस्ले भिक्टोरियाका लागि गोल गरेका थिए ।
आर्सनलका जीतमा पेपेले दुई गोल गरे भने मार्टिनीले एक गोल गरेका थिए ।

भिक्टोरियाका लागि इडवार्ड र डाउरटे सिल्भाले एक गोल गरेका थिए ।

जितसँगै समूह एफको आर्सनलले शतप्रतिशत जितलाई कायम राखेको छ । शीर्ष स्थानको आर्सनलले ३ खेलमा ९ अंक जोडेको छ । ३ खेलमा ३ हार व्यहोरेको भिक्टोरिया पुछारमा रहेको छ ।

अर्को खेलमा जर्मन क्लब फ्रान्कफर्टले स्टान्डर्ट लिगेलाई २(१ ले हराएको छ ।