काठमाडौं– नेकपा एमालेका केन्द्रीय सदस्य गोकुल बास्कोटाले पार्टी उपाध्यक्ष रामबहादुर थापा बादलप्रति कटाक्ष गरेका छन् ।

थापाले हिजो (मङ्गलबार) काठमाडौंमा भएको एक कार्यक्रममा मुलुकलाई संकटबाट जोगाउन कांग्रेस–एमाले एक भएर निर्वाचनमा जानुपर्ने धारणा राखेको प्रति सामाजिक सञ्जाल फेसबुकमार्फत टिप्पणी गर्दै बास्कोटाले समानुपातिक सूचीबाट नाम फिर्ता लिएर चुनाव लड्न चुनौती दिएका हुन् ।

उनले आफूलाई शक्तिशाली र लोकप्रिय ठान्ने नेता नै पटक पटक समानुपातिक कोटामा बसेको भन्दै थापाको आलोचना गरेका हुन् । 

उनले लेखेका छन्– ‘समानुपातिक कोटामा आफूलाई शक्तिशाली र लोकप्रिय ठान्ने नेता नै पटक पटक बसे पछि यो प्रणालीको विरोध हुनु ठिक हो ।अझ तिनै रुख र सुर्य मिलेर चुनावमा जानु पर्छ भन्छन् । रुख–सूर्य मिलेपछि चुनाव लडे भो त । अहिले नाम फिर्ता लिए हुन्छ पटके समानुपातिकले । समावेशिताकै बेइज्जत नगर के– त्यो पनि पुरुषले ।