काठमाडौं- उज्यालो नेपाल पार्टीका संरक्षक कुलमान घिसिङ, राष्ट्रिय स्वतन्त्र पार्टीका नेता बालेन्द्र शाह र राष्ट्रिय स्वतन्त्र पार्टीका सभापति रवि लामिछानेबीच अहिले भेटवार्त भइरहेको छ।

बौद्धस्थित उज्यालो नेपालको बैठकस्थलबाट सुधन गुरुङहरूले लिएर हिँडेपछि यी तीनजनाबीच अहिले कमलपोखरीमा वार्ता भइरहेको उज्यालो नेपाल पार्टीका एकजना केन्द्रीय सदस्यले बताएका छन् ।

तीनजनालाई वार्तामा जुटाउने काम जेन-जी अभियन्ता सुदन गुरुङले गरेका हुन् । गुरुङका एक सहयोगीका अनुसार उनीहरूबीच अहिले काठमाडौं एक घरमा वार्ता भइरहेो छ।

‘अन्तिम चरणको वार्ता भइरहेको जानकारी हामीलाई आएको छ’, गुरुङका एक सहयोगीले खबरहबलाई भने, ‘वार्ता सकारात्मक नै भइरहेको बुझेका छौँ।’

यता उज्यालो नेपाल पार्टीका नेताहरू भने यो वार्ताबाट निष्कर्ष निक्लिने सम्भावना कमजोर रहेको बताउँछन्।

‘निष्कर्ष निक्लिने सम्भावना कम छ भन्ने हामीलाई सूचना छ’, ती नेताले भने, ‘एउटै पार्टी भएर अगाडि नबढे पनि निर्वाचनमा सहकार्यको बाटो बाँकी रहन्छ।’