काठमाडौं– नेपाली कम्युनिष्ट पार्टीका संयोजक पुष्पकमल दाहालले सम्पूर्ण क्रान्तिकारी शक्तिलाई मतभेदभन्दा माथि उठेर एकताबद्ध हुन अपिल गरेका छन्।
माओत्सेतुङको १३३ औँ जन्मजयन्तीका अवसरमा आज शुभकामना सन्देश जारी गर्दै उनले सार्वभौम,आत्मनिर्भर, समतामूलक र समाजवादी नेपालको लक्ष्य प्राप्तिका लागि साझा प्रयास आवश्यक रहेको बताएका छन्।
संयोजक दाहालले माओत्सेतुङले देखाएको आत्मनिर्भर राष्ट्रिय अर्थतन्त्र निर्माण र जनताको वास्तविक लोकतन्त्र स्थापना गर्ने बाटो आज पनि सान्दर्भिक रहेको उल्लेख गर्दै त्यसै दिशामा अघि बढ्न सबै क्रान्तिकारी शक्तिलाई आग्रह गरेका छन्।
प्रतिक्रिया