नवलपरासी (बर्दघाट–सुस्ता–पश्चिम)- जनता प्रगतिशील पार्टी (जप्रपा) नेपालका अध्यक्ष हृदयेश त्रिपाठीले सङ्घीयता नै सबैको पहुँचको आधार भएको बताएका छन् ।
आज पश्चिम नवलपरासीको परासीमा ‘मधेसको मानवशास्त्र’ किताबको विमोचन गर्दै नेता त्रिपाठीले राज्यसँगको पहुँचका लागि सङ्घीयता नै बलियो आधार रहेको बताए । उनले भने, “कर्णाली जस्तो विकट ठाउँमा राज्यको सबै क्षेत्रमा पहुँच गराउन र मधेसमा गरिब तथा दलितलाई हेप्ने प्रवृतिको अन्त्य गर्न सङ्घीयताको आवश्यकता हो ।”
वर्तमान राजनीतिक अवस्थामा देशको निकास निर्वाचन मात्रै भएको उनको धारणा छ । ‘मधेसको मानवशास्त्र’ पुस्तकका लेखक भोला बानियाँले किताबमा सम्पूर्ण मधेसको बारेमा व्याख्या गरिएको उल्लेख गरे।
प्रतिक्रिया