काठमाडौं- नेकपा एमालेको नयाँ नेतृत्वका लागि एघारौँ महाधिवेशनमा भएको मतदानको मतपरिणाम आइरहेको छ।

अहिलेसम्म ६६६ मतको परिणाम आइरहँदा उपमहासचिवतर्फ अध्यक्षका प्रत्यासी केपी शर्मा ओलीका सहयोगी विष्णु रिमाल असुरक्षित देखिएका छन् ।

पदाधिकारीमा अध्यक्ष केपी शर्मा ओली प्यानलको अग्रता देखिँदा महासचिवमा शंकर पोखरेल अगाडि नै छन् ।

उपाध्यक्षमा संस्थापन इतरका नेता गोकर्ण विष्टले जित्ने सम्भावना देखएका छन् ।

उता उपमहासचिवमा योगेश भट्टराईले ओली प्यानलकै जस्तो मत पाएका छन् । यहाँ लेखराज भट्ट ४४ मतसहित सबैभन्दा अगाडि छन् ।

उनीपछि योगेश भट्टराई ४०४ मतसहित बलियो अवस्थामा छ । उता रघुवीर महासेठले २९३ मत पाएका छन् ।

यहाँ ओलीका सहयोगी विष्णुप्रसाद रिमाल भने ३२५ मतसहित चौथो स्थानमा छ । ओलीका एकजना सहयोगी प्रदीप ज्ञवालीले उपाध्यक्षमा उम्मेदवारी नै दिएनन् ।

अब ओलीका भित्री सहयोगी महासचिव शंकर पोखरेल र विष्णु रिमाल छन् । पोखरेल सुरक्षित हुँदा रिमाल भने रेड जोनमा परेका छन् ।

त्यस्तै, प्रतिस्पर्धामा रहेका आनन्द प्रसाद पोखरेल र वैजनाथ चौधरी क्रमशः पाँचौँ र छैटौँ स्थानमा रहेका छन् ।

उपमहासचिव

योगेश भट्टराई – ४०४

लेखराज भट्ट – ४४०

रघुवीर महासेठ – ३९३

विष्णु प्रसाद रिमाल – ३२५

आनन्द प्रसाद पोखरेल – २०४

वैजनाथ चौधरी – १५१