काठमाडौं- साइबरस्पेसमा अवाञ्छित गतिविधि गरेको भन्दै बेलायत सरकारले चिनियाँ प्रविधि कम्पनीमाथि कारवाही गरेको छ । बेलायत र साझेदार मुलुकलाई लक्षित गरी साइबर आक्रमण गरेको भन्दै चीनका दुई वटा कम्पनीमाथि बेलायतले कारवाही गरेको हो ।

बेलायत सरकारले दिएको जानकारी अनुसार यसरी कारवाहीमा पर्ने चिनियाँ कम्पनीमा आई–सुन भनिने सिचुआज अन्क्सुन इन्फोरमेसन टेक्नोलोजी कम्पनी र इन्टिेग्रिटी टेक्नोलोजी ग्रुप छन् । आई–सुनले विश्वका ८० भन्दा धेरै सरकारी र निजी उद्योगका सूचना प्रविधिको प्रणालीमाथि आक्रमण गरेको आरोप लगाइएको छ ।

त्यसैगरी, इन्टेग्रिटी टेकले अरु समूहलाई साइबर आक्रमण गर्न सहयोग गरेको आरोप लागेको छ । यस्ता कम्पनीले चिनियाँ राज्यसँग आबद्ध साइबर आक्रमणमा सहयोग गर्दै आएको बेलायत सरकारको भनाइ छ ।