काठमाडौं– नेपाल इन्भेष्टमेन्ट मेगा बैंक लिमिटेडको मिश्रित वित्तीय अवस्था देखाएको छ । बैंकले ठूलो निक्षेप आधार कायम राखेको र ब्याज आम्दानीमा मजबुत देखिए पनि ‘रिटेन्ड अर्निङ’ भने ऋणात्मक अवस्थामा रहेको तथ्याङ्कले देखाएको छ ।

कात्तिक मसान्तसम्म सो बैंकको कुल पुँजीकोष ६६ अर्ब ८१ करोड १ लाख ६० हजार रुपैयाँ रहेको छ। यसमध्ये चुक्ता पुँजी ३४ अर्ब १२ करोड ८५ लाख ९० हजार रुपैयाँ रहेको छ । मिलियन रुपैयाँ रहेको छ ।

तर, बैंकको दायित्वतर्फ हेर्दा सो अवधिसम्म कुल निक्षेप ५ खर्ब ५ अर्ब ९१ करोड ९७ लाख १० हजार रुपैयाँ रहेको छ, जसमा मुद्दती निक्षेप २ खर्ब ४६ अर्ब ५ करोड ६ लाख ४० हजार रुपैयाँ रहेको छ । 

यसैगरी, बैंकको बचत निक्षेप १ खर्ब ५२ अर्ब ४५ करोड ६६ लाख ६० हजार रुपैयाँ र  कल निक्षेप ५९ अर्ब ४ करोड ३७ लाख ५० हजार रुपैयाँ रहेको छ ।

बैंकको कुल कर्जा तथा अग्रिम भुक्तानी कात्तिक मसान्तसम्म ३ खर्ब ५७ अर्ब ३० करोड २६ लाख २० हजार रुपैयाँ रहेको छ भने तरल कोष सो अवधिमा यस अवधिमा ३४ अर्ब ४५ करोड ९६ लाख २० हजार रुपैयाँ छ ।

नाफा र जोखिम व्यवस्थापनको अवस्था

सो बैंकले कात्तिकको अन्त्यसम्म ६३ करोड ९ लाख ५० हजार रुपैयाँ खुद नाफा आर्जन गरेको छ। यो नाफा मुख्यतया उच्च ब्याज आम्दानीबाट भएको देखिन्छ । 

सो अवधिमा बैंकले ११ अर्ब ४ करोड ४ लाख ५० हजार रुपैयाँ ब्याज आम्दानी गरेको छ । साथै, सो अवधिमाण बैंकले  ब्याज खर्च ६ अर्ब ६८ करोड ५९ लाख २० हजार रुपैयाँ खर्च गरेको तथ्यांकमा देखिन्छ ।

यद्यपि, बैंकको वित्तीय स्वास्थ्यको महत्त्वपूर्ण सूचक संचित मुनाफा भने सो अवधिमा १ अर्ब २१ करोड ४४ लाख ९० हजार रुपैयाँले ऋणात्मक देखिएको छ । 

जसले गर्दा बैंकले पछिल्लो समय नाफा कमाए पनि विगतका सञ्चित नोक्सानीले गर्दा समग्र सञ्चित मुनाफा अझै सकारात्मक हुन नसकेको देखाउँछ।

बैंकले जोखिम व्यवस्थापनका लागि यस अवधिसम्म ४ अर्ब ९४ करोड १६ लाख ७० हजार रुपैयाँ छुट्याएको छ।