काठमाडौं– नेपाल प्रिमियर लिग (एनपीएल) सिजन २ अन्तर्गत जारी फाइनल खेलमा सुदूरपश्चिमको ब्याटिङ संकटमा परेको छ । लुम्बिनी लायन्सका कप्तान रोहित पौडेलले ११ औँ ओभरमा ह्याट्रिक पूरा गरेपछि सुदूरपश्चिमको ब्याटिङ संकटमा परेको हो ।

कप्तान रोहितले १० ओभर ४ बलमा सुदूरपश्चिमका कप्तान दीपेन्द्रसिंह ऐरी, ५ बलमा दीपक बोहरा, र ६ बलमा पुनित मेहरा आउट पारे ।

खेल १४ ओभरमा पुग्दा सुदूरपश्चिम ६ विकेट गुमाउँदै ५५ रन जोडेको छ । पहिलो ओभरमै ओपनर बिनोद भण्डारीलाई दबाबमा गएको ब्याटिङले लय लिन सेकेको छैन ।

अहिलेसम्म सुदूरपश्चिमले २ बाउन्ड्री मात्रै हानेको छ । ९ ओभर ५ बलमा सुदूरपश्चिमका कप्तान दीपेन्द्रसिंह ऐरीले यस इनिङको पहिलो छक्का हानेका हुन् । ३८ वर्षको संघर्षपछि सुदूरपश्चिमले दोस्रो बाउन्ड्री हानेको हो । त्यसअघि आरिफ शेखले ३ ओभरको तेस्रो बलमा चौका प्रहार गर्दै इनिङको पहिलो बाउन्ड्री हाने ।