काठमाडौं- नेपाल प्रिमियर लिग एनपीएलको फाइनल खेलमा लुम्बिनी लायन्सका कप्तान रोहित पौडेलले ह्याट्रिक पूरा गरेका छन् ।

कीर्तिपुरस्थित त्रिवि अन्तर्राष्ट्रिय क्रिकेट रङ्गशालामा जारी खेलमा ११ औँ ओभरका अन्तिम तीन बलमा कप्तान रोहितले ह्याट्रिक पूरा गरे । खेलको १० ओभर ४ बलमा सुदूरपश्चिमका कप्तान दीपेन्द्रसिंह ऐरीलाई आउट पारे । रुबेन ट्रम्पलमेनको हातबाट क्याच हुनुअघि उनले २० बलमा १३ रन बनाए ।

लगत्तै, अर्को बलमा दीपक बोहरा पनि आउट भए । सन्दीप जोराको हातबाट उनी क्याच भए । त्यसपछि ओभरको अन्तिम बलमा पुनित मेहरा एलबीडब्ली धरापमा परे ।

१० ओभरको प्रगतिका क्रममा लुम्बिनीका कप्तान रोहितले ह्याट्रिक लिए । १० ओभरको चौथो बलमा कप्तान दीपेन्द्रसिंह ऐरी, पाँचौ बलमा दीपक बोहोरा र अन्तिम पुनीत मेहरालाई आउट गर्दै रोहितले ह्याट्रिक पूरा गरेका हुन् ।

ओपनर बिनोद भण्डारी शून्य, शेल्डन ज्याक्सन १, आरिफ शेख ६, दीपेन्द्रसिंह ऐरी १३, दीपक बोहोरा र पुनीत मेहेरा शून्यमै आउट भएका हुन् । त्रिवि अन्तर्राष्ट्रिय क्रिकेट मैदानमा सुदूरपश्चिमले टस जितेर पहिला ब्याटिङ रोजेको हो ।