काठमाडौं– १९ वर्षमुनिको पुरुष एसीसी एसिया कप क्रिकेटमा नेपाल र श्रीलंकाबीचको खेल भइरहेको छ ।
संयुक्त अरब इमिरेट्स (युएई) को दुबईस्थित द सेभेन्स रंगशालामा जारी खेलमा टस जितेर श्रीलंकाले फिल्डिङ रोजेपछि नेपालले ब्याटिङ गरिरहेको छ ।
नेपाल आजको खेल जित्दै प्रतियोगितामा सुखद सुरुवात गर्ने लक्ष्यका साथ मैदानमा उत्रिएको छ ।
८ टोली सहभागी प्रतियोगितामा नेपाल रहेको समूह ‘बी’ मा श्रीलंका, बंगलादेश र अफगानिस्तान तथा समूह ‘ए’ मा भारत, पाकिस्तान, युएई र मलेसिया रहेका छन् ।
नेपालले दोस्रो खेल आगामी सोमबार बंगलादेशसँग र तेस्रो खेल पुस २ गते अफगानिस्तानसँग खेल्नेछ ।
प्रतिक्रिया