काठमाडौं– काठमाडौं महानगरपालिकाले रानीबारी क्षेत्रमा सञ्चालित कवाडी संकलन केन्द्रमा डोजर चलाएर हटाएको छ । 

महानगरका अनुसार उक्त संकलन केन्द्र भारतको बिहारका राम साहले सञ्चालन गर्दै आएका थिए । धेरै पटक हटाउन अनुरोध गर्दा पनि अटेरी गरेपछि अन्ततः डोजर सञ्चालन गरिएको महानगरले जनाएको छ ।

करिब ४–५ आना जग्गा भाडामा लिएर सो कवाडी संकलन केन्द्र सञ्चालन गरिएको थियो । यता, कवाडी व्यापारीहरूका अनुसार पैसा नदिई एकै पटक च्यातिदिएको आरोप पनि महानगरमाथि लागेको छ ।

महानगरले चक्रपथभित्र कवाडी संकलन केन्द्र नराख्न आग्रह गर्दै आएको छ । 

यसअघि पनि महानगरले चक्रपथभित्रका विभिन्न स्थानमा सञ्चालनमा रहेका यस्ता केन्द्रहरू हटाएको थियो ।

तस्बिरहरू: नेपाल फोटो लाइब्रेरी