काठमाडौं– नेपाल प्रिमियर लिग (एनपीएल) सिजन २ को दोस्रो बिहीबार जारी दोस्रो क्वालिफायरमा विराटनगर  किङ्सले  ९ ओभर २ बलको लामो संघर्षपछि लुम्बिनी लायन्सको दोस्रो विकेट लिएको छ । 

विराटनगरका सुवास भण्डारीले दोस्रो विकेटका रुपमा कप्तान रोहित पौडेललाई आउट गराएका हुन् । ११ ओभरको दोस्रो बलमा आउट भएका रोहितले ३४ रन जोडे । उनले ३० बल सामान गर्दा २ चौका र २ छक्का प्रहार गरे 

पहिलो विकेटका रुपमा दोस्रो ओभरको अन्तिम बलमा ओपनर दिनेश अधिकारी आउट भएका थिए । ५ बल सामना गरेर १ रन बनाएको अवस्थामा उनी विराटनगरका सुवासकै बलमा साम हिजलेटमार्फत् क्याट आउट भए । 

खेलमा १२ ओभरमा पुग्दा लुम्बिनी ८१ रनको अवस्थामा छ । त्रिवि अन्तर्राष्ट्रिय क्रिकेट रङ्गशालामा विराटनगरले टस जितेर लुम्बिनीलाई पहिलो ब्याटिङको निम्तो दिएको हो ।