काठमाडौं- नेपाल प्रिमियर लिग एनपीएलको दोस्रो संस्करणको पहिलो क्वालिफायरमा अहिले सुदूरपश्चिम रोयल्स र विराटनगर किङ्ग्सबीच प्रतिस्पर्धा भइरहेको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा सुदूरपश्चिम रोयल्सले दिएको १५६ रनको लक्ष्य पछ्याउँदै अहिले विराटनगर किङ्ग्सले जवाफी ब्याटिङ गरिरहेको छ ।

खेलमा एकपछि अर्को विकेट गुमाउँदै गएको विराटनगरको इनिङ संकटमा परेको छ । हालसम्म विराटनगरले आठ विकेट गुमाइसकेको छ ।

दक्षिण अफ्रिकी खेलाडी फाफ डुप्लेसीबाहेक विराटनगरका सबै ब्याटर सस्तैमा समेटिएका छन् । ओपनर साम हेज्लेट इनिङगको पहिलो बलमै आउट भए ।

विराटनगरका मार्टिन गप्टिल दुई बलमा दुई रन बनाएर आउट भए भने नरेन भट्ट पनि शून्य रनमा आउट भए । बसिर अहमद पनि १८ बलमा १२ रन बनाएर आउट भए । विकेटकिपर ब्याटर लोकेश बम ६ बलमा ५ रन बनाएर आउट भए । नारायण जोशी तीन बलमा एक रन बनाएर आउट भए ।

अर्का ओपनर फाफ डु प्लेसी पनि २९ बलमा ३६ रन बनाएर आउट भएका छन् । त्यसैगरी, प्रतिश जीसी पनि ५ बलमा तीन रन बनाएर आउट भए ।

यसअघि विराटनगरले टस जितेर पहिले फिल्डिङ गर्ने निर्णय गरेपछि ब्याटिङमा उत्रिएको सुदूरपश्चिमले निर्धारित २० ओभरमा ७ विकेट गुमाउँदै १ सय ५५ रन बनायो ।