काठमाडौं– नेपाल प्रिमियर लिग (एनपीएल) सिजन २ अन्तर्गतको मंगलबार जारी पहिलो क्वालिफायर खेलमा सुदूरपश्चिम रोयल्सका ब्याटर शेल्डन ज्याक्सन र ओपनर मुख्तार अहमद सस्तैमा आउट भएका छन् ।

ज्याक्सन ७ ओभरको पाँचौ बलमा आउट भएका हुन् । उनले ११ बलमा २ चौका र १ छक्काको सहयोगमा २० रन जोडे । उनी विराटनगरका सूर्य तामाङको बलमा लोकस बममार्फत् स्टम्पिङ भएका हुन् ।

मुख्तार भने पहिलो विकेटका रुपमा १० बलमा २ चौकाको सहयोगमा १० रन बनाए विराटनगरका मर्चेन्ट डी ल्याङ्गेका बलमा आउट भएका हुन् । मर्चेन्टले उनलाई २ ओभरको पाँचौ बलमा क्लिन बोल्ड गरेका हुन् ।

यस सिजनमा उनीहरु दुवैको यो डेब्यू खेल हो । जोश ब्राउन र क्रिस लीन सिजनबाट बिदा भएपछि उनीहरुको स्थान यी दुईलाई सुदूरपश्चिमले ल्याएको हो ।

खेल ८ ओभरमा पुग्दा सुदूरपश्चिम २ विकेटको क्षतिमा ६३ रनको अवस्थामा छ । त्रिवि अन्तर्राष्ट्रिय क्रिकेट रंगशालामा टस हारेर सुदूरपश्चिमले पहिला ब्याटिङको निम्तो पाएको हो ।