काठमाडौं– चर्चित रियालिटी शो ‘बिग बोस १९’ आज आफ्नो अन्तिम चरणमा प्रवेश गर्दैछ । रियालिटी शो ‘बिग बोस १९’ का  होस्ट बलिउड सुपरस्टार  सलमान खानले  विजेताको नाम घोषणा गर्ने छ ।

यस वर्षको फिनालेमा ‘शीर्ष ५ प्रतिस्पर्धी’ गौरव खन्ना, अमाल मलिक, तान्या मित्तल, फरहाना भट्ट र प्रणित मोरेबीच आकर्षक र कडा प्रतिस्पर्धा हुनेछ। सामाजिक सञ्जालमा फ्यानहरूले मन पर्ने प्रतिस्पर्धीलाई विजेता बनाउन अपिल गर्दै व्यापक चर्चा गरिरहेका छन् ।

‘बिग बोस १९’ को ग्रान्ड फिनाले ७ डिसेम्बर २०२५ मा आयोजना हुँदैछ, जहाँ दर्शकहरूले बहुप्रतीक्षित अन्तिम परिणाम हेर्न सक्नेछन्। फिनालेको लाइभ स्ट्रिमिङ जियो सिनेमा र डिज्नी+ मा उपलब्ध हुनेछ भने टेलिभिजन दर्शकहरूले कलर्स टिभीमा राति १०:३० बजेदेखि प्रसारण हेर्न सक्नेछन् । 

यो सिजन २४ अगस्ट २०२५ मा १८ जना प्रतिस्पर्धीसहित सुरु भएको थियो र अब अन्तिम चरणमा पाँच प्रतिस्पर्धी मात्र बाँकी रहँदा प्रतिस्पर्धा झनै रोचक बनेको छ।

यस वर्षको पुरस्कार राशि औपचारिक रूपमा घोषणा गरिएको छैन। अघिल्ला सिजनहरू हेर्दा विजेताले करिब ५० देखि ५५ लाख भारतीय रुपैयाँसहित ट्रफी प्राप्त गर्दै आएका छन्, त्यसैले फ्यानहरू यस वर्ष पनि यस्तै पुरस्कार हुने अनुमान गरिरहेका छन्।