काठमाडौं- नेपाल प्रिमियर लिग एनपीएलअन्तर्गत शनिबार जारी दोस्रो खेलमा अहिले चितवन राइनोज र पोखरा एभेन्जर्सबीच प्रतिस्पर्धा भइरहेको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा अहिले चितवनले टस जितेर पहिले ब्याटिङ गरिरहेको छ ।

पहिले ब्याटिङ गरेको चितवनले लगातार विकेट गुमाएको छ । चिवतनले सस्तैमा तीन विकेट गुमाइसकेको छ । खेलको दोस्रो ओभर मै चितवनले दुई विकेट गुमायो ।

१ ओभर २ बलमा चितवनका अर्जुन साउद आउट भए । उनलाई धनञ्जय लक्षनले बोल्ड गरे । सोही ओभरको ६ बलमा अर्का ओपनर डाविड मलानलाई पनि लक्षनले आउट गरे ।

आउट हुनुअघि मलानले ९ बलमा ५ रन जोडे । त्यसैगरी, खेलकोे २ ओभर १ बलमा रवि बोपारा पनि आउट भए । विपिन खत्रीको बलमा उनी कप्तान कुशल भुर्तेलको हातबाट क्याच आउट भए । आउट हुनुअघि उनले २ बलमा एक रन जोडे ।

यी दुबै टोली लिग चरणबाट बाहिरिसकेका छन् ।