जनकपुरधाम- नेपाली कांग्रेस संसदीय दलका नेता कृष्णप्रसाद यादव मधेश प्रदेशको मुख्यमन्त्रीमा नियुक्त भएका छन् ।

मधेश प्रदेश प्रमुख सुरेन्द्र लाभ कर्णले शुक्रबार कांग्रेसका नेता कृष्णप्रसाद यादवलाई शुक्रबार मुख्यमन्त्रीमा नियुक्त गरेका हुन् ।

यादवले कांग्रेसहित सात दलका ७७ जना सांसदको हस्ताक्षरसहित शुक्रबार नै प्रदेश प्रमुखसमक्ष कर्णसमक्ष मुख्यमन्त्रीमा दाबी पेश गरेका थिए ।

नवनियुक्त मुख्यमन्त्री यादवले कांग्रेस, जसपा नेपाल, माओवादी केन्द्र, लोसपा, नेकपा एकीकृत समाजवादी पार्टीका प्रदेशसभा सदस्यहरूको समर्थन पाएका छन् ।

यसअघि बुधबार मात्रै एमाले संसदीय दलका नेता सरोज यादवले बहुमत जुटाउन नसकेपछि २२ दिनमै मुख्यमन्त्रीबाट राजीनामा दिएका थिए । उनलाई गत कात्तिक २४ गते मुख्यमन्त्री बनाइएको थियो ।