काठमाडौं- नेकपा एमालेका पोलिटब्युरो सदस्य गोकुल बास्कोटाले दिवंगत महासचिव मदन भण्डारी आवरणमा रहेको पोस्टर सार्वजनिक गर्नुलाई जसले जसरी बुझ्छन्, त्यसैगरी बुझ्न आग्रह गरेका छन्।

बुधबार पोस्टर सार्वजनिक गरेपछि खबरहबसँग छोटो कुरा गर्दै बास्कोटाले एमाले बचाउन र चौतर्फी आक्रमणको सामना गर्न एघारौँ महाधिवेशनमा प्रतिनिधिहरूले स्विवेकले निर्णय गर्नसमेत आग्रह गरे।

‘मैले एमाले जनताको बहुदलीय जनवादको मूल्य मान्यताअनुसार अगाडि बढ्नुपर्छ । एमालेमा जोसुकै नेतृत्व आए पनि मदन भण्डारीको योगदान र उहाँको सिद्धान्तलाई अङ्गिकार गरेर अगाडि बढ्नुपर्छ भनेको हो’, बाँसकोटाले खबरहबलाई भने,‘योपटक महाधिवेशन प्रतिनिधिहरूले एमालेलाई जोगाउन र नीति र सिद्धान्त अनुसार अगाडि बढ्न उचित निर्णय गर्नुहुन्छ भन्ने लागेको छ।’

बाँस्कोटा ११ औँ महाधिवेशनमा अध्यक्ष केपी शर्मा ओलीले नेतृत्व छोड्नुपर्ने अडानमा छन् । उनले ११ औँ महाधिवेशनमा ईश्वर पोख्रेललाई साथ दिने संकेतसमेत गरेका छन्।

बाँसकोटासँगको कुराकानी प्रतिक्षा गर्नुस् :