काठमाडौं – नेपाल प्रिमियर लिग (एनपीएल) सिजन २ अन्तर्गत मंगलबारको दोस्रो खेलमा कर्णाली याक्सका मार्क वाटले पोखरा एभेन्जर्सविरुद्ध अर्धशतक प्रहार गरेका छन् ।

सिजनको २१ औं खेलमा अर्धशतक हान्ने क्रममा मार्कले २२ बलमा ३ चौका ५ छक्काको सहयोग ५० रन पूरा गरेका हुन् । जारी सिजनको उनी नै सर्वाधिक रनकर्ता हुन् ।

उनले लुम्बिनी लायन्सविरुद्ध अविजीत ११४ रन जोड्दै शतक प्रहार गरेका थिए । यस सिजनको उनी नै पहिलो शतक प्रहार गर्ने खेलाडी हुन् ।

त्रिवि अन्तर्राष्ट्रिय क्रिकेट रंगशालामा टस जितेको कर्णाली २०१ रनको विशाल लक्ष्य पछ्याउँदै जवाफी ब्याटिङमा छ । यस सिजनको अघिल्ला पाँच खेलमा उनको ब्याटिङ चलेको लुम्बिनीविरुद्ध मात्रै हो ।

उनले काठमाडौं गोर्खाजविरुद्ध ३०, विराटनगर किङ्सविरुद्ध ६, सुदूरपश्चिम रोयल्सविरुद्ध १७ र चितवान राइनोजविरुद्ध १६ रन जोडेका थिए ।

रोचक कुरा मार्क वाट स्कटल्यान्डका बलर हुन् । २९ वर्षीय वाट अहिले पनि अन्तर्राष्ट्रिय क्रिकेटमा सक्रिय छन् ।