काठमाडौं – काठमाडाैं महानगरपालिकाका प्रमुख बालेन्द्र साहका पिता आयुर्वेद डा. रामनारायण साहको वैदिक परम्पराअनुसार आज पशुपति आर्यघाटमा अन्त्येष्टि गरिएको छ ।

सिंहदरबार वैद्यखाना विकास समितिको प्रबन्ध निर्देशक भएर काम गरिसक्नुभएका साहको मधुमेह र पिसाबको सङ्क्रमणका कारण आज निजामती कर्मचारी अस्पताल (सिभिल अस्पताल)मा निधन भएको थियो ।

साहलाई अन्तिम बिदाइ गर्न अन्तरिम सरकारका मन्त्रीहरू कुलमान घिसिङ, जगदीश खरेल, बब्लु गुप्ता, पूर्वमन्त्री राजेन्द्र महतो, विभिन्न सुरक्षा निकायका प्रमुख, निजामती कर्मचारी, चिकित्सक, परिवारजनलगायतको पशुपति आर्यघाटमा बाक्लो उपस्थिति रहेको थियो ।

साहले आयुर्वेद विभागको समेत निर्देशक भएर काम गरेका थिए । पूर्वस्वास्थ्य मन्त्रीसमेत रहेका मन्त्री महतोले मन्त्रालयका कर्मचारीमध्ये साह सरल र सोझाे मानिसका रूपमा आफूले अनुभव गरेको सञ्चारकर्मीमाझ प्रतिक्रिया दिए ।