काठमाडौं- भारतले क्यानाडा र अस्ट्रेलियासँग नवप्रवर्तन गठबन्धन निर्माण गर्ने भएको छ । तीन मुलुकबीच त्रिपक्षीय नवप्रवर्तन साझेदारीबारे सम्झौता भएको हो ।

तीन देशका प्रधानमन्त्रीबीच भएको बैठकमा यस्तो सहमति जुटेको समाचारमा जनाइएको छ । जी २० को सम्मेलनको अवसरमा भारतीय प्रधानमन्त्री नरेन्द्र मोदी, अस्ट्रेलियाका प्रधानमन्त्री एन्थोनी अल्बानिज र क्यानाडाका प्रधानमन्त्री मार्क कार्नीबीच भेटवार्ता भएपछि यस्तो सहमति भएको हो ।

तीन मुलुकबीच संवेदनशील तथा उदीयमान प्रविधिको क्षेत्रमा सहकार्यलाई थप मजबुत बनाउन समेत सहमति जुटेको भारतीय आर्थिक अखबार इकोनोमिक टाइम्सले उल्लेख गरेको छ । तीन मुलुकले हरित ऊर्जाको क्षेत्रमा नवप्रवर्तनमा विशेष जोड दिन पनि सहमति जनाएका छन् ।

यस पहललाई अघि बढाउनका लागि सन् २०२६ को शुरुवातमा तीन वटै मुलुकका अधिकारीको बैठक डाकिने तय भएको छ ।