काठमाडौं- लुम्बिनी लायन्सले तेस्रो विकेट गुमाएको छ । नेपाल प्रिमियर लिग एनपीएल अन्तर्गत शनिबारको पहिलो खेलमा लुम्बिनीले तेस्रो विकेट गुमाएको हो ।
इनिङ्ग्सको १० ओभर २ बलमा लुम्बिनीका निरोशन डिकवेला आउट भए । उनी म्याट टेलरको बलमा कट बिहाइन्ड भए । २२ बल खेलेका उनले ३७ रन जोडे । यस क्रममा उनले दुई चौका र दुई छक्का प्रहार गरे ।
त्रिवि अन्तर्राष्ट्रिय क्रिकेट रङ्गशालामा जारी खेलमा लुम्बिनी लायन्सले यतिबेला पोखरा एभेन्जर्सको सामना गरिरहेको छ ।
खेलमा लुम्बिनीले टस जितेर पहिले फिल्डिङ रोजेपछि ब्याटिङ गरेको पोखराले निर्धारित २० ओभरमा ५ विकेट गुमाउँदै १५० रन बनायो । अहिले लुम्बिनीले १५१ रनको लक्ष्य पछ्याउँदै जवाफी ब्याटिङ गरिरहेको छ ।
प्रतिक्रिया