काठमाडौं – नेपाल प्रिमियर लिग (एनपीएल) सिजन २ को बिहीबारको खेलमा सुदूरपश्चिम रोयल्सविरुद्ध पहिला ब्याटिङ गरेको लुम्बिनी लायन्सले दुवै ओपनरलाई गुमाएको हो ।

खेल ७ भोरमा पुग्दा लुम्बिनी २ विकेटको क्षतिमा ५४ रनको अवस्थामा छ ।  लुम्बिनीले दोस्रो विकेटका रुपमा सुमित महर्जनलाई गुमाएको हो । उनले ६ ओभरको तेस्रो बलमा १८ रन जोडेर आउट भए । १४ बलमा समाना गरेका उनले ३ चौका प्रहार गरे । 

सुमित सुदूरपश्चिमका हर्मित सिंहको एलबीडब्ल्यू धरापमा परेका हुन् । लुम्बिनीले पहिलो विकेटका रुपमा डीआर्सी सर्टलाई गुमाएको हो । उनी २ ओभरको पाँचौ बलमा हेमन्त धामीको बलमा बोल्ट भएका हुन् । ११ बल खेलेका सर्टले ४ चौका प्रहार गर्दै १८ रन बनाए । 

किर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर सुदूरपश्चिमले पहिलो बलिङ रोजेको हो ।