काठमाडौं – नेपाल प्रिमियर लिग (एनपीएल) सिजन २ अन्तर्गत मंगलबारको खेलमा लुम्बिनी लायन्सविरुद्ध काठमाडौं गोर्खाजले लगागल विकेट गुमाएपछि ब्याटिङ संकटतिर धकेलिएको छ ।

११ ओभरको अन्तिम बलमा ७३ रनको दयनीय अवस्थामा काठमाडौंले पाँच महत्त्वपूर्ण ब्याटरलाई गुमाएको हो ।

११ ओभरमा लुम्बिनीका कप्तान रोहित पौडेलले २ विकेट लिए । उक्त ओभरको दोस्रो बलमा जोन सिम्पसन र अन्तिम बलमा मिलिन्द कुमारलाई रोहितले आउट गराएका हुन् ।

मिलिन्दले २० बलमा १७ रन जोडे भने जोनले ७ रन जोडेर आउट भए ।

खेल १३ ओभरमा पुग्दा काठमाडौं पाँच विकेटको क्षतिमा ८५ रनको दयनीय अवस्थामा छ ।

यो टिमको रन उकास्न क्रिजमा टिकेर आक्रामक ब्याटिङ गर्ने खेलाडीको आवश्यक छ । 

काठमाडौंका ओपनद्वय आकाश त्रिपाठी र बेन चार्ल्सवर्थ लुम्बिनीका शेर मल्लको सिकार भए । दोस्रो ओभरको पहिलो बलमा बेन आउट भएका हुन् । उनले रनको खाता पनि खोल्न सकेनन् । 

आकाशले ३६ बलमा ३ चौका प्रहार गर्दै ३२ रन जोडे । यस इनिङमा अहिलेको अवस्थामा सबैभन्दा बढी रन बनाउने पनि उनै हुन् । 

चार ओभरको तेस्रो बलमा दोस्रो विकेटकारूपमा ब्याटर रसिद खान आउट भएका हुन् । १० बलमा २ चौकाको सहयोगमा १४ रन जोडेका रसिदलाई चितवनका रुबेन ट्रम्पेलम्यानले आउट गराएका हुन् ।

कीर्तिपुरस्थित त्रिवि अन्तर्राष्ट्रिय क्रिकेट रङ्गशालामा टस हारेर काठमाडौंले पहिला ब्याटिङको निम्तो पाएको हो ।