काठमाडौं – नेपाल प्रिमियर लिग (एनपीएल) सिजन २ अन्तर्गत मंगलबारको खेलमा लुम्बिनी लायन्सविरुद्ध पहिला ब्याटिङ गरेको काठमाडौं गोर्खाजले सस्तैमा दुई ब्याटर गुमाएको छ ।
कीर्तिपुरस्थित त्रिवि अन्तर्राष्ट्रिय क्रिकेट रंगशालामा टस हारेर पहिला ब्याटिङमा उत्रिएको काठमाडौंले चार ओभरको तेस्रो बलमा ब्याटर रसिद खानलाई गुमाएको हो ।
१० बलमा २ चौकाको सहयोगमा १४ रन जोडेका रसिदलाई चितवनका रुबेन ट्रम्पेलम्यानले आउट गराएका हुन् ।
ओपनर बेन चार्ल्सवर्थ भने शेर मल्लको बलमा दोस्रो ओभरको पहिलो बलमा आउट भएका हुन् । उनले एक बल सामना गर्दा रनको खाता पनि खोल्न सकेनन् । खेल पाँच ओभरमा पुग्दा काठमाडौं २ विकेटको क्षतिमा ३१ रनको सामान्य अवस्थामा छ ।
प्रतिक्रिया