काठमाडौं– नेपाल प्रिमियर लिग अन्तर्गत सोमबारको दोस्रो खेलमा सुदूरपश्चिमविरुद्ध जबाफी ब्याटिङमा उत्रिएको कर्णाली याक्सले चार विकेट गुमाएको छ । 

सस्तैमा सुरुवाती चार ब्याटर गुमाएपछि कर्णालीको ब्याटिङ धर्मराएको छ । खेल पाँच ओभरको दोस्रो बलमा पुग्दा कर्णाली ४ विकेटको क्षतिमा २९ रनको धराशायी अवस्थामा छ ।

सुदूरपश्चिमका कप्तान दिपेन्द्रसिंह ऐरीले तीन महत्त्वपूर्ण तीन विकेट लिएका छन् ।

 ओपनरद्वय प्रियांक पञ्चाल र जश ब्राउन ऐरीकै धारिलो बलिङको शिकार भएका हुन् । चौथो विकेटका रुपमा नजिबुल्लाह जद्रानलाई पनि ऐरीले नै मैदानबाट बिदा गरेका हुन् । जद्रानले चार बल खर्चेर १ रन जोडे ।

जारी सिजनमा एक मात्र शतक प्रहार गर्ने मार्कवाट यस खेलमा सस्तैमा आउट भए । उनले १० बलमा १७ रन जोडे । मार्कले लुम्बिनी लान्यसविरुद्ध अविजीत ११४ रन प्रहार गरेका हुन् । 

सिजनको दोस्रो सर्वाधिक रन बनाउन प्रियांकले आजको खेलमा रनको खाता पनि खोल्न सकेनन् । उनी पाँच बल सामना गरेर आउट भए । 

पञ्चालले  चितवन राइनोजविरुद्ध ९० रन प्रहार गरेका थिए ।  विलियम बोसिस्टो भने हेमन्त धामीको बलको शिकार भए । उनले ९ बल खर्चेर ३ रन जोडे । 

सुरुवाती ब्याटरहरु र भर गरेका हिटरहरु सस्तैमा आउट भएपछि कर्णालीको ब्याटिङ धर्मराएको छ ।

किर्तिपुरस्थित त्रिवि अन्तर्राष्ट्रिय क्रिकेट रंगशालामा टस जितेर जबाफी ब्याटिङमा उत्रिएको कर्णालीले १४० रनको लक्ष्य पाएको छ ।