काठमाडौं- नेकपा एमालेका उपमहासचिव प्रदीप ज्ञवाली एमालेमा अहिले पार्टीमा अध्यक्ष केपी शर्मा ओलीको विकल्प नभएको बताएका छन् ।

यही मंसिर २७ गतेदेखि हुन लागेको एघारौँ महाधिवेशनबाट पनि नेतृत्वमा ओली नै नेतृत्वमा आउने ज्ञवालीले बताएका छन् ।

ओलीभन्दा एमाले हाँक्ने अन्य कुनै नेता अहिले नदेखिएको बताउँदै ज्ञवालीले भदौ २३ र २४ गतेको जेन-जी आन्दोलन हुनुमा ओलीको कुनै भूमिका र दोष नभएको बताए ।

यतिमात्रै होइन, ज्ञावालीले जेन-जी आन्दोलनका क्रममा त्यसबेलाको सरकारले उदारता देखाएको दाबी गरेका छन् । एमालेका वर्तमान उपमहासचिव ज्ञवाली आगामी महाधिवेशनमा महासचिवको प्रतिस्पर्धामा उत्रिने तयारीमा छन् ।

‘अहिले एमालेमा ओलीको विकल्प खोज्ने बेला भएको छैन। सबै नेताहरू नेतृत्वका लागि योग्य हुन्छन् भन्ने छैन’, ज्ञवालीले खबरहबसँग भने, ‘जेन-जी आन्दोलनलाई एउटा कोणबाट हेरेर मात्रै हुँदैन । त्यो आन्दोलन हुनुमा तत्कालीन सरकारको गल्ती छैन । बरू त्यसबेला सरकारले त उदारता देखाएको हो।’

ज्ञवालीसँगको विस्तृत अन्तर्वार्ताका लागि खबरहब हेर्दै गर्नुहोला ।