काठमाडौं- ताइवानले दशौँ लाख नागरिक सुरक्षा पुस्तिका वितरण गर्ने भएको छ । चिनियाँ हमलाको जोखिम बढिरहेको बेला ताइवानले यस्तो कदम चाल्न लागेको हो ।

ताइवान सरकारले अङ्ग्रेजी र अन्य विदेशी भाषामा समेत लेखिएको यो पुस्तिका ९८ लाख पत्रमञ्जुषामा पुर्‍याउने तयारी गरेको छ । उक्त पुस्तिकामा ताइवानले कस्तो अवस्थाको सामना गर्नसक्छ भन्ने सम्भावित अवस्थालाई मध्यनजर गर्दै सुरक्षाका उपाय सुझाइएको छ ।

यस पुस्तिकाबाट सम्भावित आपतकालीन परिस्थितमा कसरी जीउधनको सुरक्षा गर्ने भन्नेबारे नागरिकहरुले जानकारी प्रदान गर्ने अपेक्षा गरिएको छ । समाचार संस्था रोयटर्सका अनुुसार ताइवानले गत सेप्टेम्बरमा यस पुस्तिका सार्वजनिक गरेको थियो ।

उक्त पुस्तिकामा नजिकै रहेका बम सेल्टर र आपतकालीन सामग्रीको तयारी गर्नेबारे पनि नागरिकलाई जानकारी दिनेछ । ताइवानको पछिल्लो कदमलाई आफ्ना नागरिकहरुलाई कुनै पनि संकटग्रस्त अवस्थाका लागि तयार राख्ने उपायका रुपमा हेरिएको छ ।