काठमाडौं – दीपक आचार्य ‘काकु’को डेब्यू निर्देशनमा बनेको फिल्म ‘परान’ले प्रदर्शनको तेस्रो साता मात्रै ४ करोड २९ लाख ५८ हजार ग्रस कलेक्सन गरेका छ ।

चलचित्र विकास बोर्डका अनुसार कात्तिक ३० देखि मंसिर ६ गतेसम्म यो फिल्मले उक्त रकम बराबरको ग्रस कलेक्सन गरको हो । यस अवधिमा १ लाख ५१ हजार ९९३ वटा टिकट बिक्री भएको छ ।

कात्तिक १४ देखि मंसिर ६ सम्म यस फिल्मले १४ करोड १६ लाख ५१ हजार ग्रस कलेक्सन गरेको बोर्डले जनाएको छ ।

यो सँगै ‘परान’ ०८२ सालकै हिट फिल्म बनेको छ । असोज ३१ बाट प्रदर्शनमा आएको नायक अनमोल केसी स्टारर फिल्म ‘जेरी अन टप’को रेकर्ड यसले तोडेको हो ।

यो पनि – समीक्षा : परान भरिएको ‘परान’

‘जेरी अन टप’ले मंसिर ६ सम्म १२ करोड ७ लाख ग्रस कलेक्सन गरेको छ । जारीले केही साताअघि मात्रै फिल्म ‘ऊनको स्वीटर’को रेकर्ड तोडेर वर्षको हिट फिल्म बनेको थियो ।

‘परान’ हिट फिल्मको सिक्वेल ‘जारी २’ र ‘मन बिनाको धन’सँग बक्स अफिस प्रतिस्पर्धा गरेर पनि रेकर्ड राख्न सफल भएको हो ।

यो फिल्मको शीर्ष भूमिकामा कलाकार नीर शाह छन् ।