काठमाडौं – नेपाल प्रिमियर लिग (एनपीएल) सिजन २ अन्तर्गत सोमबारको पहिलो खेलमा विराटनगर किङ्सका कप्तान सन्दीप लामिछानेले जनकपुर बोल्टस्को दुई महत्त्वपूर्ण विकेट लिएका छन् । 

सन्दीपले ओपनर लाहिरु मिलन्था र जनकपुरका कप्तानसमेत रहेका ब्याटर अनिल शाहको विकेट लिएका हुन् ।

 १४ बलमा चार रन जोडेका अनिषलाई सन्दीपले ६ ओभरको चौथो बलमा आउट गराएका हुन् । त्यस्तै, ८ ओभरको दोस्रो बलमा ओपनर मिलन्थालाई सन्दीपले बोल्ट गराएका हुन् । 

मिलन्थाले २२ बलमा २३ रन जोड्न २ चौका र १ छक्का प्रहार गरेका थिए । जनकपुरको पहिलो विकेट सूर्य तामाङले लिएका हुन् । उनले ओपनर आशिफ शेखलाई २ ओभरको चौथो बलमा आउट गराएका हुन् ।

आशिफले ११ बलमा १३ रन जोड्न २ चौका र १ छक्का प्रहार गरे । कीर्तिपुरस्थित त्रिवि अन्तर्राष्ट्रियक क्रिकेट रंगशालामा जनकपुर टस जितेर १३६ रनको लक्ष्यसहित जवाफी ब्याटिङमा उत्रिएको हो ।