काठमाडौं – नेपाल प्रिमियर लिग (एनपीएल) सिजन-२ अन्तर्गत शनिबारको दोस्रो खेलमा काठमाडौं गुर्खाजले विराटनगर किङ्ग्सविरुद्ध पहिला ब्याटिङ गर्ने भएको छ । कीर्तिपुरस्थित त्रिवि अन्तर्राष्ट्रिय क्रिकेट रङ्गशालामा टस हारेर काठमाडौंले पहिला ब्याटिङको निम्तो पाएको हो ।

जारी सिजनमा विराटनगरको यो दोस्रो खेल हो । अघिल्लो खेलमा विराटनगरले पोखरा एभेन्जर्सलाई ५३ रनको फराकिलो हार चखाएको थियो । काठमाडौंको यो तेस्रो खेलमा हो ।

काठमाडौं पहिलो खेलमा सुदूरपश्चिम रोयल्ससँग २९ रनले पराजित भएको थियो । दोस्रो खेलमा काठमाडौंले जनकपुर बोल्ट्सलाई ५ विकेटले पराजित गर्‍यो ।

काठमाडौंको लक्ष्य तेस्रो खेलमा विराटनगरलाई हराउँदै लगातार दोस्रो जित निकाल्ने छ । दोस्रो खेलमा विराटनगर लगातार दोस्रो जित निकाल्ने लक्ष्यमा छ ।