काठमाडौं – नेपाल प्रिमियर लिग (एनपीएल) सिजन २ अन्तर्गत शनिबार खेलमा लुम्बिनी लायन्ससँगको खेलमा कर्णाली याक्सका ओपनर प्रियाङ्क पञ्चाल सस्तैमा आउट भएका छन् । पञ्चाल १० बल खेलेर १२ रन बनाउँदै आउट भए ।

उनले लुम्बिनीविरुद्ध १ चौका र एक छक्का मात्रै प्रहार गरे । उनलाई लुम्बिनीका शेर मल्ले जेजे स्मिटको हातबाट क्याच आउट गरेका हुन् । कर्णालीको पहिलो विकेटका रुपमा पञ्चाल ३ ओभरको पाँचौ बलमा आउट भए ।

पञ्चाल जारी सिजनको सर्वाधिक रन बनाउने ब्याटर हुन् । उनले सिजनको दोस्रो र टिमको पहिलो खेलमा चितवन राइनोजविरुद्ध ४८ बलमा ७ चौका ६ छक्काको सहयोगमा ९० रन जोडेका थिए । जारी सिजनमा यो उच्च रन हो ।

कीर्तिपुरस्थित त्रिवि अन्तर्राष्ट्रिय क्रिकेट रङ्गशालामा टस जितेको कर्णालीले १५७ रनको लक्ष्य पछ्याउँदै जावाफी ब्याटिङ गरिरहेको छ ।