काठमाडौं– मंगलबार बाराको सिमरामा जेन-जी समूह र नेकपा एमाले निकट नेता तथा कार्यकर्ताबीच भएको झडप र त्यस पछिको सिर्जित अवस्था अन्त्यका लागि वार्ता सुरु भएको छ ।
शुक्रबार सशस्त्र प्रहरी बल, नेपाल प्राविधिक तालिम शिक्षालय पथलैयामा प्रमुख जिल्ला अधिकारी धमेन्द्र कुमार मिश्र, जिल्ला प्रहरी कार्यालयका प्रमुख, सशस्त्र प्रहरी, नेपाली सेना र जेन-जी समूहबीच वार्ता सुरु भएको हो ।
सो घटनामा संलग्न दोषीलाई पक्राउ गरी कारबाही गर्नु पर्ने, घाइतेलाई निःशुल्क उपचार गर्नु पर्ने, शान्ति सुरक्षाको प्रत्याभूति गर्नु पर्ने लगाएका विभिन्न माग राख्दै जेन-जी समूह आज वार्तामा सहभागी भएका छन् ।
तस्बिर : नेपाल फोटो लाइब्रेरी
प्रतिक्रिया