काठमाडौं – युइएफए महिला च्याम्पियन्स लिगमा वार्यन म्यूनिखले पेरिस सेन्ट जर्मेनलाई ३-१ ले हराएको छ।

गएराति भएको खेलमा वार्यनले पुनरागमन गर्दै ३-१ को जित निकालेको हो। पिएसजीका लागि खेलको १६ औं मिनेटमा सकिना कर्चौईकोले गोल गरे पनि उसले अग्रता जोगाउन सकेन।

वार्यनले पिएसजीले गोल गरेको एक मिनेट अर्थात् खेलको १७ औं मिनेटमा बराबरी गोल फर्काएको थियो। उसका लागि पहिलो गाेल लिन्डा डल्लम्यानले गरिन् । त्यसपछि ३१ औं मिनेटमा मोमोको तनिकावाको गोलमा अग्रता लिएको वार्यटले खेलको अन्तिम समय ८९ मिनेटमा जोभाना जाकोभिचले गरेकाे गोलसँगै ३-१ को शानदार जित निकालेको हो।

त्यसैगरी गएराति नै भएका खेलमा चेल्सी र बार्सिलोना तथा रोमा र ओएच लेउभेनले १-१ को बराबरी खेलेका छन्।